Ons glo dat kinders ‘n spesiale plek het in die koninkryk van God. Daarom doen ons moeite om seker te maak hulle voel deel van die gemeenskap van gelowiges en dat hulle meer leer van die Bybel en oor God.
Jesus het in Matteus 19:14 die volgende gesê:
“Laat staan die kindertjies en moet hulle nie verhinder om na my toe te kom nie, want die koninkryk van die hemel is juis vir mense soos hulle.”
Ons wil daarom vir ons kinders ‘n platform skep waarin hulle kan groei in hulle kennis en in hulle persoonlike verhouding met God. Ons wil graag hê kinders moet die Evangelie glo en hulle eie maak.
Ons wil ook graag ons ouers ondersteun om hulle doopbeloftes na te kom deur vir hulle kinders ‘n platform te bied waarin hulle kan leer wat die wil en die wee van die Here is.